話說一年幾前被容祖兒嘅超大嘜頭廣告吸引，加上個優惠真係超級抵，於是做咗人生第一次嘅PICO皮秒激光去斑，其實做咗一次之後啲色斑好明顯已經淡咗好多！雖然一心係諗住Keep住長做皮秒激光去斑，但係我又多心想試多幾間美容公司先做決定，所以喺過去一年幾嘅時間，我仲有試過除咗OASIS medical之外，另外兩間嘅美容院，等我嚟分享一下，到底皮秒激光去斑邊間好！
OASIS皮秒激光去斑超抵package
回顧返之前去做PICO係大概入秋嘅時間，嗰時經歷完夏天嘅洗禮，貪玩嘅我上山又下海，明明搽足防曬但係最後都係生咗唔少色斑，有啲就深色咗，有啲就大撻咗。咁啱俾我見到有個超抵嘅網上試做優惠價，$488做齊PICO皮秒激光去斑、HIFU瘦面同Firmix緊緻年輕眼周療程，完成療程之後仲有盒Eurobeauté面膜送，其實真係好抵！
嗰次我係去咗將軍澳PopCorn嘅分店，入面嘅職員同落手做嘅治療師都好好，成個過程服務周到，又幫我仔細分析我嘅皮膚狀況，做皮秒激光去斑嘅時候又會特別針對返啲色斑重災區，做完第一次打斑嘅效果已經好好。
而佢哋個優惠仲包埋HIFU瘦面同埋Firmix，HIFU都係我想試做好耐嘅嘢，Firmix我就第一次聽，做嘅過程係勁舒服！好似去咗做個專focus眼嘅按摩咁！而HIFU雖然打嘅發數唔係話超級多，但做完之後都有少少瘦面嘅效果。想話呢個$488優惠到而家都仲做緊，真心建議大家去試下，因為真係好抵！網上登記：https://bit.ly/3S13mEH
新式單次收費IG小店然·美
另外我就試咗一間IG上面見到嘅小店，當時見佢淨係得銅鑼灣分店，但係可能生意越嚟越好，見佢最近開埋觀塘分店。呢間叫做Natural Plus Beauty，主力都係做皮秒激光去斑。佢個IG就好小清新咁，上到去都係好IGable嘅裝修，當時係被佢個$298網上預付優惠吸引到去佢度做皮秒激光去斑嘅，同埋佢哋都強調話小店無顧問房唔會sell客，同埋係單次收費。
上年年中去試嗰時，收工時間都幾易book，上到去同個啲大型美容院唔同，好家庭式得兩三間房仔咁，簡單填完資料就入房。個治療師都幾溫柔嘅，但係部皮秒激光去斑機做落都幾痛下，有幾下我忍唔住有彈一彈起。
到做完之後，雖然佢哋無顧問房，但我坐喺reception度等簽名嗰時（現場得我一個客），佢哋個顧問其實都有走過嚟sell我，都唔算好強硬嘅，不過到最後我都係決定唔買plan，個顧問就有俾面色我睇，咁都證明咗我唔join係啱嘅。
網上勁多負評嘅黑店Perfect Medical
最後一間試咗Perfect Medical，見佢好多藝人幫手賣廣告又上市，規模做到好似幾大咁，就諗住上去試下啦。同埋見到佢有個皮秒激光去斑嘅免費體驗，仲會送盒Mask好似好抵咁，覺得就算唔啱應該都無乜損失啦。
上到去都正正常常幫你測下皮膚、了解下我之前有做過乜嘢treatment咁，到入房啦，唔知係咪要跑數，試做期間佢哋個顧問係咁入嚟狂sell，我話做完睇下效果再決定啦，佢見我有少少強硬，又換另一個人入嚟，又話今日唔join就無架喇，總之講到有啲情勒嘅感覺令我覺得唔太舒服，做完之後我就急急腳走咗。
事後我先上網搵返，原來網上好多佢嘅負評，好多人都話佢係黑店嚟，詳細內容就建議你哋自己Google睇下喇。
總括嚟講一年試過三間美容院，覺得OASIS medical係最好嘅一間，平均每方面都比另外兩間優勝，試做價又真心好抵，重點係有效果丫嘛！
留言列表
